ఎమ్మెల్యే భాష్యం ప్రవీణ్ చేతుల మీదుగా పెన్షన్ల పంపిణీ, సచివాలయం పరిశీలన

అమరావతి మండలం ఉంగుటూరులో బుధవారం పెన్షన్‌ల పంపిణీ కార్యక్రమంలో పెదకూరపాడు ఎమ్మెల్యే భాష్యం ప్రవీణ్ పాల్గొన్నారు. లబ్ధిదారులకు పెన్షన్‌లను పంపిణీ చేసిన అనంతరం, నూతనంగా నిర్మించిన గ్రామ సచివాలయాన్ని ఆయన పరిశీలించారు. ప్రభుత్వం అన్ని వర్గాల ప్రజల సంక్షేమానికి కట్టుబడి ఉందని, పెన్షన్‌లు వృద్ధులు, వికలాంగులు, వితంతువుల జీవనోపాధికి ముఖ్యమైనవని ఎమ్మెల్యే ప్రవీణ్ తెలిపారు. గ్రామ సచివాలయం ద్వారా సేవలు సులభంగా అందేలా చేశామని ఆయన పేర్కొన్నారు. గ్రామంలో రోడ్లు, నీటి సరఫరా వంటి అవసరాలను కూడా పరిశీలించిన ఎమ్మెల్యే, త్వరలోనే అభివృద్ధి పనులు చేపట్టినట్లు తెలిపారు.