వినుకొండలో బైక్ అదుపుతప్పి ఇద్దరికి గాయాలు

వినుకొండ పట్టణ శివారులోని ఏనుగుపాలెం రోడ్డులో పెట్రోల్ బంకు సమీపంలో శనివారం ద్విచక్ర వాహనం అదుపుతప్పి ఇద్దరు వ్యక్తులు గాయపడ్డారు. ఏనుగుపాలెంకు చెందిన వారు బైక్‌పై వినుకొండకు వస్తుండగా ఈ ప్రమాదం జరిగినట్లు స్థానికులు తెలిపారు. ప్రమాదాన్ని గమనించిన స్థానికులు వెంటనే 108కు సమాచారం అందించగా, సిబ్బంది ఘటనా స్థలానికి చేరుకుని క్షతగాత్రులను వినుకొండ ప్రభుత్వ ఆసుపత్రికి తరలించారు. వారి ఆరోగ్య పరిస్థితిపై పూర్తి వివరాలు తెలియాల్సి ఉంది.