పిడుగుపాటుకు మృతి చెందిన కుటుంబాన్ని పరామర్శించిన ఎమ్మెల్యే

బొబ్బిలి నియోజకవర్గంలోని బాడంగి మండలం పెదభీమవరం గ్రామానికి చెందిన లచ్చుపతుల భవాని పిడుగుపాటుకు గురై మృతి చెందారు. ఈ విషాద ఘటన నేపథ్యంలో, ఎమ్మెల్యే ఆర్. వీ. ఎస్. కె. కె. రంగారావు (బేబీనాయన) బాడంగి ప్రభుత్వ ఆసుపత్రికి చేరుకుని భవాని మృతదేహాన్ని సందర్శించి, కుటుంబ సభ్యులను పరామర్శించి ప్రగాఢ సానుభూతి తెలిపారు. ఈ కష్ట సమయంలో కుటుంబానికి ధైర్యంగా ఉండాలని సూచిస్తూ, అవసరమైన సహాయ సహకారాలు అందిస్తామని హామీ ఇచ్చారు. గ్రామ ప్రజలు కూడా భవాని మృతికి సంతాపం వ్యక్తం చేశారు.