విద్యుత్ ఛార్జీల పెంపుపై ఉత్తరాంధ్ర సాధన సమితి ఆగ్రహం

బొబ్బిలిలో ఉత్తరాంధ్ర సాధన సమితి వ్యవస్థాపకులు వేమిరెడ్డి లక్ష్మణ్ నాయుడు, కూటమి ప్రభుత్వం ఎన్నికల హామీలను విస్మరించి, విద్యుత్ ఛార్జీలు పెంచి సామాన్యులపై ₹20,000 కోట్ల అదనపు భారం మోపిందని ధ్వజమెత్తారు. APERC సూచనల మేరకు యూనిట్‌కు కేవలం 13 పైసలు తగ్గించి, మళ్లీ యూనిట్‌కు 40 పైసల అదనపు భారం వేయడం మోసపూరితమని మండిపడ్డారు. గత ప్రభుత్వం యూనిట్ ₹2.49 కే ఒప్పందం చేసుకుంటే, ప్రస్తుత ప్రభుత్వం ప్రైవేట్ సంస్థతో యూనిట్ ₹4.60 కు కొనుగోలు చేస్తూ ప్రజా ధనాన్ని వృథా చేస్తోందని, ఇది 25 ఏళ్లలో రాష్ట్రంపై ₹14,000 కోట్ల భారం పడుతుందని ఆందోళన వ్యక్తం చేశారు. వెంటనే ప్రైవేట్ సంస్థలతో కుదుర్చుకున్న విద్యుత్ ఒప్పందాలను రద్దు చేయాలని డిమాండ్ చేశారు.