గజపతినగరంలో టీడీపీ ఆవిర్భావ దినోత్సవ వేడుకల్లో మంత్రి శ్రీనివాస్

గజపతినగరంలోని తెలుగుదేశం పార్టీ కార్యాలయం ఆవరణలో ఆదివారం రాష్ట్ర మంత్రి కొండపల్లి శ్రీనివాస్ ఆధ్వర్యంలో పార్టీ ఆవిర్భావ దినోత్సవ వేడుకలు ఘనంగా జరిగాయి. ఈ సందర్భంగా, జాతీయ రహదారి పక్కన గల ఎన్టీఆర్ విగ్రహానికి పూలమాలవేసి నివాళులు అర్పించారు. అనంతరం పార్టీ కార్యాలయంలో మంత్రి శ్రీనివాస్ పార్టీ పతాకాన్ని ఎగురవేశారు. ఈ కార్యక్రమంలో టిడిపి నేతలు గంట్యాడ శ్రీదేవి, మక్కువ శ్రీధర్, రామ్ కుమార్, కొండపల్లి భాస్కర నాయుడు తదితరులు పాల్గొన్నారు.