కూరగాయల ధరల పతనం.. రైతుల ఆవేదన

పార్వతీపురం మన్యం జిల్లాలో కూరగాయల ధరలు పడిపోవడంతో రైతులు తీవ్ర ఇబ్బందులు ఎదుర్కొంటున్నారు. టమాటా, క్యాబేజీ పంటలు మంచి దిగుబడినిచ్చినా, మార్కెట్‌లో ధరలు లేక నష్టపోతున్నారు. పది కేజీల క్యాబేజీ బుట్ట రూ. 50-70కే పరిమితమవగా, టమాటా 23 కిలోలు రూ. 70-80 మాత్రమే పలుకుతోంది. దూర ప్రాంతాలకు తీసుకెళ్లినా వాహన ఖర్చులు కూడా రాకపోవడంతో రైతులు ఆవేదన చెందుతున్నారు. అధికారులు జోక్యం చేసుకుని గిట్టుబాటు ధర కల్పించాలని రైతులు కోరుతున్నారు.