పార్వతీపురంలో ఉరుములు, మెరుపులతో భారీ వర్షం

పార్వతీపురం పరిసరాలలో శనివారం రాత్రి ఉరుములు, మెరుపులతో కూడిన భారీ వర్షం కురిసింది. ఈ వర్షం కారణంగా ప్రధాన రహదారులన్నీ జలమయమయ్యాయి. స్థానిక ఆర్టీసీ కాంప్లెక్స్ వరద నీటితో చెరువును తలపించింది. ప్రయాణికులు తీవ్ర ఇబ్బందులు ఎదుర్కొన్నారు. కాలువలు కూడా వరద నీటితో ఉప్పొంగాయి. అయితే, వర్షం తర్వాత వాతావరణం చల్లబడటంతో పట్టణవాసులు కొంత ఉపశమనం పొందారు.