గ్రీన్ అంబాసిడర్లకు రిక్షాలు, తొట్టెలు పంపిణీ చేసిన ఎమ్మెల్యే బోనెల

బలిజిపేట మండలంలోని 24 గ్రామ పంచాయతీలకు ప్రభుత్వం మంజూరు చేసిన రిక్షాలు, తొట్టెలను ఎమ్మెల్యే బోనెల విజయచంద్ర గురువారం పంపిణీ చేశారు. ఈ సందర్భంగా ఆయన గ్రీన్ అంబాసిడర్లతో మాట్లాడుతూ గ్రామాల్లో తడి, పొడి చెత్తను సేకరించి డంపింగ్ యార్డులకు సక్రమంగా తరలించే బాధ్యతను చేపట్టాలని సూచించారు. సక్రమంగా పనిచేసిన గ్రీన్ అంబాసిడర్లకు ప్రతినెల జీతాలు అందేలా పంచాయతీ ఉద్యోగులకు ఆదేశాలు జారీ చేస్తామని తెలిపారు. ఈ కార్యక్రమంలో టిడిపి నాయకులు, కార్యకర్తలు, అధికారులు పాల్గొన్నారు.