విజయనగరం జిల్లాలో పెరుగుతున్న పాముకాటు ఘటనలు

విజయనగరం జిల్లాలో పాముకాటు బాధితుల సంఖ్య ఆందోళనకరంగా పెరుగుతోంది. ముఖ్యంగా రక్తపింజరి కాట్లతో ప్రజలు ప్రాణాపాయాన్ని ఎదుర్కొంటున్నారు. రాజాంలో రెండు నెలల క్రితం ఒక బాలుడిని రక్తపింజరి కాటేసిన సంఘటన తాజాగా నిలిచింది. సకాలంలో వైద్యం అందడంతో బాలుడు ప్రాణాపాయం నుండి బయటపడ్డాడు. జిల్లా కేంద్రాస్పత్రికి వారానికి 7-10 పాముకాటు కేసులు వస్తుండగా, గత ఏడాది 717 కేసులు నమోదయ్యాయి. ఏటా సుమారు 2 వేల మంది పాముకాటుకు గురవుతున్నారని అంచనా. రబీ పనుల సమయంలో రైతులు మరింత అప్రమత్తంగా ఉండాలని సూచించారు.