భోగి మంటలు వేసిన ఉగ్ర నరసింహారెడ్డి
కనిగిరి పట్టణంలోని అమరావతి గ్రౌండ్స్లో ఒంగోలు పార్లమెంట్ టీడీపీ అధ్యక్షులు, ఎమ్మెల్యే ముక్కు ఉగ్ర నరసింహారెడ్డి ఆధ్వర్యంలో భోగి వేడుకలు ఘనంగా జరిగాయి. ఎమ్మెల్యే తన కుటుంబ సమేతంగా, టీడీపీ నాయకులు, కార్యకర్తల సమక్షంలో భోగి మంటలు వెలిగించి ప్రజలకు పండుగ శుభాకాంక్షలు తెలియజేశారు. ఎమ్మెల్యే సతీమణి డాక్టర్ కవిత మహిళలతో కలిసి భోగి మంటల చుట్టూ తిరుగుతూ, పాటలు పాడుతూ, బతుకమ్మ ఆడారు. ఈ వేడుకలతో సంక్రాంతి సంబరాలు భోగిమంటల చుట్టూ టీడీపీ శ్రేణుల మధ్య సందడిగా నెలకొన్నాయి.
