మంత్రి స్వామిని కలిసిన జిల్లా ఎస్పీ హర్షవర్ధన్ రాజు

ప్రకాశం జిల్లా ఎస్పీ హర్షవర్ధన్ రాజు మంగళవారం సాయంత్రం ఏపీ సాంఘిక సంక్షేమ శాఖ మంత్రి డోలబాల వీరాంజనేయ స్వామిని మర్యాదపూర్వకంగా కలిశారు. టంగుటూరు మండలం తూర్పు రాయుడుపాలెంలోని మంత్రి క్యాంపు కార్యాలయంలో జరిగిన ఈ సమావేశంలో, ఎస్పీ మంత్రికి పూల మొక్కను బహుకరించారు. నూతనంగా బాధ్యతలు స్వీకరించిన ఎస్పీకి మంత్రి స్వామి శుభాకాంక్షలు తెలియజేశారు. అనంతరం, ఇరువురు కాసేపు చర్చించుకున్నారు.