వేలం కేంద్రంలో పొగాకు కొనుగోళ్లు ప్రారంభం

ప్రకాశం జిల్లా కొండపి పొగాకు వేలం కేంద్రంలో గురువారం పొగాకు కొనుగోళ్లు ప్రారంభమయ్యాయి. వేలం నిర్వహణ అధికారి శంకర్రావు, చైర్మన్ యశ్వంత్ కుమార్ ఈ కార్యక్రమాన్ని ప్రారంభించారు. ఇప్పటివరకు 18 పొగాకు బేళ్లు రైతులు తీసుకురాగా, అవన్నీ కొనుగోలు చేసినట్లు అధికారులు తెలిపారు. గరిష్టంగా కేజీ రూ. 250 ధర పలుకుతున్నట్లు నిర్వహణ అధికారి వెల్లడించారు. సాయంత్రం ఐదు గంటల వరకు కొనుగోళ్లు కొనసాగుతాయని అధికారులు పేర్కొన్నారు.