14 కేజీల గంజాయి పట్టివేత

ఎస్పీ హర్షవర్ధన్ రాజు ఆదేశాల మేరకు ఒంగోలు రైల్వే స్టేషన్ వద్ద ఈగల్ టీం పోలీసులు శనివారం విస్తృత తనిఖీలు నిర్వహించారు. పోలీస్ డాగ్ రాక్సీ సహాయంతో ఎర్నాకులం ఎక్స్ప్రెస్లో సుమారు 14 కేజీల గంజాయిని స్వాధీనం చేసుకున్నారు. ఈ ఘటనలో ఇద్దరిని అదుపులోకి తీసుకొని జీఆర్పీ పోలీసులకు అప్పగించారు. ఈ తనిఖీలో సీఐ సుధాకర్, ఎస్సైలు సుదర్శన్, శ్రీరామ్, చెంచయ్య, ఏఎస్ఐ మహబూబ్ బాషా పాల్గొన్నారు.