రోడ్డు ప్రమాదంలో వ్యక్తి మృతి

నాగులుప్పలపాడు మండలంలో జరిగిన రోడ్డు ప్రమాదంలో గాయపడి చికిత్స పొందుతూ ఓ వ్యక్తి మృతి చెందాడు. గుంటూరు జిల్లా పెదనందిపాడుకు చెందిన పూల వాణిదాసు(57), తాటికొండ వెంకటప్పయ్య, మరో వ్యక్తితో కలిసి కొనుగోలు చేసిన ద్విచక్రవాహనంపై పెళ్లూరు వెళ్లి సోమవారం రాత్రి స్వగ్రామానికి బయలుదేరారు. ఈక్రమంలో నాగులుప్పలపాడు-ఇంకొల్లు రోడ్డులోని రేగులకుంట మూలమలపు వద్దకురాగా ద్విచక్రవాహనం అదుపుతప్పి కాలువలో పడి వాణిదాసు గాయపడ్డారు. సమాచారం అందుకున్న పోలీసులు క్షతగాత్రుడిని ఒంగోలు జీజీహెచ్కు తరలించగా, అక్కడ చికిత్స పొందుతూ మంగళవారం మృతి చెందాడు. పోలీసులు కేసు నమోదు చేసి దర్యాప్తు చేస్తున్నారు.