రోడ్డుపై విరిగిపడ్డ చెట్లు.. వాహనదారులకు తప్పిన ప్రమాదం

మార్కాపురం జిల్లా కనిగిరి మండలం పునుగోడు గ్రామ సమీపంలో ఆదివారం భారీ ఈదురు గాలుల కారణంగా రోడ్డుపై చెట్లు విరిగిపడ్డాయి. ఈ ఘటనతో రాకపోకలకు అంతరాయం ఏర్పడింది. అదృష్టవశాత్తు, సంఘటన జరిగిన సమయంలో ఆ ప్రాంతంలో ఎవరూ లేకపోవడంతో పెను ప్రమాదం తప్పింది. అధికారులు వెంటనే స్పందించి, రోడ్డుకు అడ్డంగా పడి ఉన్న చెట్లను తొలగించే చర్యలు చేపట్టారు.