బావిలో పడి వ్యక్తి మృతి

ప్రకాశం జిల్లా సింగరాయకొండ మండలంలోని పాత సింగరాయకొండ గ్రామంలో శనివారం ఒక విషాదకర సంఘటన జరిగింది. గుర్తుతెలియని వ్యక్తి స్థానికంగా ఉన్న బావిలో పడి మృతి చెందాడు. ఈ విషయం తెలిసిన వెంటనే స్థానికులు పోలీసులకు సమాచారం అందించారు. పోలీసులు సంఘటనా స్థలానికి చేరుకుని దర్యాప్తు ప్రారంభించారు. మృతుడికి సంబంధించిన పూర్తి వివరాలు ఇంకా తెలియాల్సి ఉందని పోలీసులు తెలిపారు.