సంగమేశ్వరం డ్యామ్.. రూ. 166. 40 కోట్లు విడుదల

ప్రకాశం జిల్లా పొన్నలూరు మండలం చెన్నుపాడు సమీపంలో సంగమేశ్వర డ్యాం నిర్మాణానికి రాష్ట్ర ప్రభుత్వం రూ. 166.40 కోట్లు విడుదల చేయడానికి అనుమతులు మంజూరు చేసిందని మంత్రి స్వామి శనివారం తెలిపారు. ఈ రిజర్వాయర్ ద్వారా కొండపి నియోజకవర్గంలో 9500 ఎకరాల ఆయకట్టు స్థిరీకరణతో పాటు 60 గ్రామాలకు తాగునీరు అందుతుందని ఆయన పేర్కొన్నారు. ఈ ఏడాది బడ్జెట్లో దీనికోసం రూ. 25 కోట్లు కేటాయించినట్లు మంత్రి తెలిపారు.