సబ్ కలెక్టర్ పై ఆగ్రహం వ్యక్తం చేసిన కలెక్టర్...?

బదిలీ అయి వెళ్లిన సబ్ కలెక్టర్ నాలుగు నెలలుగా బంగ్లాను ఖాళీ చేయలేదని తెలుసుకున్న ఇన్ ఛార్జ్ కలెక్టర్ రాజాబాబు ఆగ్రహం వ్యక్తం చేశారు. రెండ్రోజుల క్రితం ఆయన సబ్ కలెక్టర్ బంగ్లాపై ఆరా తీయగా, గతంలో పనిచేసి బదిలీపై వెళ్లిన సబ్ కలెక్టర్ ఇంకా ఖాళీ చేయలేదని అధికారులు తెలిపారు. దీంతో ఆగ్రహించిన రాజాబాబు వెంటనే ఖాళీ చేసేలా చర్యలు తీసుకోవాలని సూచించారు. అందులో గత సబ్ కలెక్టర్ సామగ్రి ఉండడంతో కొంత గడువు ఇచ్చి, అవసరమైతే అధికారుల సమక్షంలో స్వాధీనం చేసుకోవాలని మౌఖిక ఆదేశాలు ఇచ్చినట్టు తెలిసింది.