తెలంగాణలో ప్రకాశం జిల్లా వాసిపై కేసు నమోదు

హైదరాబాద్ తెలంగాణ సచివాలయం వద్ద పోలీస్ యూనిఫాంలో ఒక వ్యక్తి రీల్స్ చేయడం కలకలం రేపింది. సీఎం రేవంత్ రెడ్డిని కలవాలంటే తనను కలవాలని ఆ వీడియోలో పేర్కొన్నాడు. పోలీసులు నిందితుడి కోసం గాలించి, అతడిని ఒంగోలుకు చెందిన రవిగా గుర్తించారు. వంటమనిషిగా పనిచేస్తున్న రవికి రీల్స్ చేసే అలవాటు ఉందని, ఈ క్రమంలోనే ఈ వీడియో చేశాడని పోలీసులు తెలిపారు. అతనిపై ఐటీ యాక్ట్ కింద కేసు నమోదు చేసి దర్యాప్తు చేస్తున్నారు.