స్క్రబ్ టైఫస్ అపోహలు వద్దు: కలెక్టర్ రాజాబాబు

ప్రకాశం జిల్లా కలెక్టర్ రాజాబాబు ప్రజలకు స్క్రబ్ టైఫస్ వ్యాధి గురించి ఆందోళన చెందాల్సిన అవసరం లేదని భరోసా ఇచ్చారు. చీమకుర్తి మండలంలో నిర్వహించిన విలేకరుల సమావేశంలో ఆయన మాట్లాడుతూ, జిల్లాలో కేవలం 1-2 కేసులు మాత్రమే నమోదయ్యాయని తెలిపారు. పురుగు కుట్టడం వల్ల వచ్చే ఈ వ్యాధి ప్రాణాంతకం కాదని, తొలిదశలోనే గుర్తించి చికిత్స తీసుకుంటే పూర్తిగా నయమవుతుందని ఆయన పేర్కొన్నారు. ప్రజలకు ఈ వ్యాధిపై అవగాహన కల్పిస్తున్నట్లు కలెక్టర్ తెలిపారు.