కులం పేరుతో దూషించిన వ్యక్తికి మూడు సంవత్సరాలు జైలు శిక్ష

ఒంగోలులో శుక్రవారం, కులం పేరుతో దూషించిన పవన్ కుమార్ అనే వ్యక్తికి ఒంగోలు కోర్టు మూడేళ్ల జైలు శిక్ష విధించింది. చిన్నపిల్లల తగాదాలో బాలుడి తండ్రిని దూషించి, బాలుడిని నిర్బంధించిన కేసులో ఈ శిక్ష పడింది. బాధితుల ఫిర్యాదుతో పోలీసులు కేసు నమోదు చేసి కోర్టులో హాజరుపరిచారు. నేరం రుజువు కావడంతో, కోర్టు నిందితుడికి జైలు శిక్షతో పాటు రూ. 17 వేల జరిమానా విధించింది.