నేడు రాష్ట్రవ్యాప్తంగా పల్స్ పోలియో కార్యక్రమం

ఏపీలో నేడు రాష్ట్రవ్యాప్తంగా పల్స్ పోలియో కార్యక్రమం నిర్వహించనున్నారు. ఐదేళ్లలోపు ఉన్న 49.20 లక్షల మంది చిన్నారులకు పోలియో చుక్కలు వేయడానికి ప్రభుత్వం విస్తృత ఏర్పాట్లు చేసింది. ఉండవల్లిలోని క్యాంప్ కార్యాలయంలో సీఎం చంద్రబాబు ఈ కార్యక్రమాన్ని ప్రారంభించనున్నారు. ఆరోగ్య శాఖ మంత్రి సత్యకుమార్ యాదవ్ విశాఖపట్నంలో చిన్నారులకు పోలియో చుక్కలు వేసి కార్యక్రమాన్ని ప్రారంభిస్తారు. తల్లిదండ్రులు మర్చిపోకుండా తమ పిల్లలకు తప్పనిసరిగా పోలియో చుక్కలు వేయించాలని అధికారులు విజ్ఞప్తి చేశారు.