పుకార్లకు చెక్ పెట్టిన రామ్ చరణ్.. ‘పెద్ది’ వాయిదాపై క్లారిటీ

గ్లోబల్ స్టార్ రామ్ చరణ్ నటిస్తున్న 'పెద్ది' సినిమా విడుదలపై వస్తున్న వాయిదా వార్తలను ఆయన స్వయంగా ఖండించారు. ఏప్రిల్ 30న విడుదల కావాల్సిన ఈ సినిమా షూటింగ్ ఆలస్యం కారణంగా జూన్‌కు వాయిదా పడిందంటూ ప్రచారం జరిగింది. అయితే, ఈ పుకార్లకు తెరదించుతూ, 'పెద్ది' వాయిదా పడటం లేదని, అందరూ ఆందోళన చెందాల్సిన అవసరం లేదని రామ్ చరణ్ స్పష్టం చేశారు. బుచ్చిబాబు సనా దర్శకత్వంలో తెరకెక్కుతున్న ఈ చిత్రంలో జాన్వీ కపూర్ హీరోయిన్‌గా నటిస్తోంది.