రోహిత్ శర్మ కొత్త ప్రకటన.. అభిమానుల్లో ఉత్కంఠ

భారత మాజీ కెప్టెన్ రోహిత్ శర్మ తన ఇన్‌స్టాగ్రామ్ ఖాతాలో "న్యూ రోల్ లోడింగ్.. లీడ్ ఇండియా.. రేపు మధ్యాహ్నం వరకు ఆగండి" అని పెట్టిన స్టేటస్ ప్రస్తుతం క్రికెట్ వర్గాల్లో చర్చనీయాంశంగా మారింది. టెస్టులు, టీ20లకు రిటైర్మెంట్ ప్రకటించి, 2027 వన్డే ప్రపంచకప్ తర్వాత అంతర్జాతీయ క్రికెట్ నుంచి వైదొలగే అవకాశాలున్నాయని అంచనాలు వినిపిస్తున్న నేపథ్యంలో ఈ పోస్ట్ అభిమానుల్లో ఆసక్తిని రేకెత్తించింది. కొందరు అభిమానులు దీనిని వన్డే కెప్టెన్సీ పునఃప్రారంభానికి సంకేతంగా భావిస్తుండగా, మరికొందరు ఇది బ్రాండ్ ప్రమోషన్ లేదా వ్యక్తిగత ప్రాజెక్ట్‌కు సంబంధించినదని అభిప్రాయపడుతున్నారు. పూర్తి స్పష్టత రేపు మధ్యాహ్నం వరకు వేచిచూడాల్సిందేనని విశ్లేషకులు చెబుతున్నారు.