మేడారం జాతరతో ఆర్టీసీకి రూ.3.28 కోట్ల ఆదాయం

ఉమ్మడి ఖమ్మం జిల్లాలో మేడారం జాతర సందర్భంగా ఆర్టీసీకి రూ.3.28 కోట్ల ఆదాయం సమకూరింది. ఖమ్మం, ఇల్లెందు, ఏటూరినాగారం, చర్ల, వెంకటాపురం, భద్రాచలం, పాల్వంచ, కొత్తగూడెం, మణుగూరు, మంగపేట ప్రాంతాల నుంచి 214 ప్రత్యేక బస్సులను ఆర్టీసీ నడిపింది. ఈ బస్సుల్లో 2 లక్షల మంది భక్తులు మేడారానికి రాకపోకలు సాగించారు. ముఖ్యంగా కొత్తగూడెం డిపో నుంచి 90 బస్సుల ద్వారా 45,431 మందిని తరలించగా, రూ. కోటికి పైగా ఆదాయం వచ్చింది.