ఆర్థిక సంక్షోభంలో రష్యా.. 25 ఏళ్లలో తొలిసారి బంగారు నిల్వల అమ్మకం

ఉక్రెయిన్‌తో సుదీర్ఘ యుద్ధం, పశ్చిమ దేశాల ఆంక్షల కారణంగా రష్యా ఆర్థిక వ్యవస్థ తీవ్ర సంక్షోభంలో కూరుకుపోయింది. యుద్ధ వ్యయం పెరిగి, ఆదాయం తగ్గడంతో బడ్జెట్ లోటు భారీగా పెరిగింది. ఈ నేపథ్యంలో, రష్యా ప్రభుత్వం గత 25 ఏళ్లలో ఎన్నడూ లేని విధంగా తన అత్యవసర బంగారు నిల్వలను విక్రయిస్తున్నట్లు అంతర్జాతీయ నివేదికలు వెల్లడిస్తున్నాయి. 1990ల చివరలో సోవియట్ యూనియన్ పతనం తర్వాత ఆర్థిక సంక్షోభం సమయంలో రష్యా చివరిసారిగా బంగారం విక్రయించింది. ఇప్పుడు ఆదాయ లోటును పూడ్చుకోవడానికి బంగారాన్ని నగదుగా మార్చుకుంటోంది.