ట్రంప్ టారిఫ్‌ల ఎఫెక్ట్.. కుప్పకూలిన భారత ఫార్మా రంగ కంపెనీల షేర్లు

అమెరికా అధ్యక్షుడు ట్రంప్ తాజా నిర్ణయాలతో భారత ఫార్మా రంగానికి భారీ షాక్ తగిలింది. అమెరికాకు దిగుమతి అయ్యే భారతీయ ఔషధాలపై 100% టారిఫ్ విధించే యోచనలో ఉన్నట్లు వార్తలు రావడంతో ఫార్మా మార్కెట్‌లో కలకలం రేగింది. దీంతో సన్ ఫార్మా, అరబిందో ఫార్మా, బయోకాన్ వంటి కంపెనీల షేర్లు భారీగా పతనమయ్యాయి. అమెరికా మార్కెట్‌పై ఆధారపడిన భారత సంస్థలకు ఈ నిర్ణయం పెద్ద షాక్‌గా మారనుందని నిపుణులు భావిస్తున్నారు. టారిఫ్‌లు అమల్లోకి వస్తే ఎగుమతి ఖర్చులు పెరిగి కంపెనీల ఆదాయంపై తీవ్ర ప్రభావం చూపే అవకాశముంది.