పిల్లల డ్రాయింగ్‌‌కి స్మార్ట్ టెక్నిక్.. వీడియో వైరల్

పిల్లల్లో ఏకాగ్రత, సృజనాత్మకత పెంచేందుకు 'DIY లైట్ బాక్స్' ఒక సులభమైన, ఆసక్తికరమైన పద్ధతి. పారదర్శక ప్లాస్టిక్ డబ్బాలో టార్చ్ లేదా చిన్న లైట్ ఉంచి, దానిపై బొమ్మ ఉన్న పేపర్‌ను పెట్టి డ్రాయింగ్ చేయించడం ద్వారా క్లిష్టమైన చిత్రాలను కూడా పిల్లలు సులభంగా గీయగలుగుతారు. దీంతో డ్రాయింగ్‌పై ఉన్న భయం తగ్గి, ఆత్మవిశ్వాసం పెరుగుతుంది. అయితే ఇది కేవలం సాధన కోసం మాత్రమే ఉపయోగించాలని, పిల్లల్లో ఊహాశక్తి, స్వతంత్ర ఆలోచన పెరగాలంటే వీలైనంత వరకు వారు స్వయంగా బొమ్మలు గీసేలా ప్రోత్సహించడం ఉత్తమం అని నిపుణులు చెప్తున్నారు.