ఫిబ్రవరి 1న 'స్నో మూన్' దర్శనం.. మాఘ పూర్ణిమతో అద్భుత దృశ్యం

ఫిబ్రవరి 1వ తేదీన 'మంచు చంద్రుడు' (Snow Moon) తన నిండు పున్నమి వెలుగులతో భూమిని పలకరించబోతున్నాడు. ఉత్తర అర్ధగోళంలో ఫిబ్రవరి నెలలో మంచు విపరీతంగా కురిసే సమయంలో వచ్చే ఈ పున్నమిని పురాతన తెగలు 'స్నో మూన్' అని పిలిచేవారు. ఈసారి వచ్చే పౌర్ణమికి 'మాఘ పూర్ణిమ' అనే ఆధ్యాత్మిక ప్రాధాన్యత కూడా తోడవ్వడంతో ఈ అద్భుతాన్ని చూసేందుకు ప్రజలు ఆసక్తిగా ఎదురుచూస్తున్నారు. ఆదివారం సాయంత్రం సూర్యాస్తమయం తర్వాత చంద్రోదయం సమయంలో చంద్రుడు మామూలు కంటే చాలా పెద్దదిగా కనిపిస్తాడు, దీనిని సైంటిస్టులు 'మూన్ ఇల్యూజన్' అని పిలుస్తారు.