చంద్రుడిని ఢీకొట్టనున్న స్పేస్‌ఎక్స్ రాకెట్!

స్పేస్‌ఎక్స్‌కు చెందిన Falcon 9 రాకెట్ చంద్రుడిని ఢీకొట్టనున్నట్లు శాస్త్రవేత్తలు తెలిపారు. గంటకు 8,690 కిలోమీటర్ల వేగంతో ప్రయాణిస్తున్న ఈ 4,000 కిలోల రాకెట్ భాగం చంద్రుడి ఉత్తర ఉపరితలంలోని ఐన్‌స్టీన్ బిలం సమీపంలో ఢీకొట్టే అవకాశం ఉన్నట్లు చెప్పారు. ఈ ఘటన భూమికి ఎలాంటి ప్రమాదాన్ని కలిగించదని NASA స్పష్టం చేసింది. అయితే, ఈ ఢీకొనడం వల్ల చంద్రుడిపై కొత్త బిలం ఏర్పడే అవకాశం ఉందని, దీని ద్వారా శాస్త్రవేత్తలకు చంద్రుడి ఉపరితల లక్షణాలపై విలువైన సమాచారం లభించవచ్చని భావిస్తున్నారు.