లంక ప్రీమియర్ లీగ్ మ్యాచ్ ఫిక్సింగ్.. దంబుల్లా యజమానికి 4 ఏళ్ల జైలు శిక్ష

లంక ప్రీమియర్ లీగ్ మ్యాచ్ ఫిక్సింగ్ కేసులో దంబుల్లా థండర్స్ యజమాని తమీమ్ రెహమాన్‌ను కోర్టు దోషిగా తేల్చింది. అతనికి నాలుగు సంవత్సరాల జైలు శిక్ష, ఐదు సంవత్సరాల నిషేధం, 24 మిలియన్ శ్రీలంక రూపాయల జరిమానా విధించింది. బంగ్లాదేశ్ మూలానికి చెందిన రెహమాన్, టోర్నమెంట్ సమయంలో బెట్టింగ్ ఏర్పాటు చేసి, ఒక ఆటగాడితో ఫిక్సింగ్ గురించి చర్చించినట్లు అంగీకరించాడు. శ్రీలంక అవినీతి నిరోధక చట్టం కింద దోషిగా నిర్ధారించబడిన రెహమాన్‌ను కొలంబో విమానాశ్రయంలో దుబాయ్‌కు పారిపోవడానికి ప్రయత్నిస్తున్నప్పుడు అరెస్టు చేశారు. ఈ కేసులో దంబుల్లా జట్టు మేనేజర్ ముజీబ్ ఉర్ రెహమాన్‌పై కూడా అరెస్ట్ వారెంట్ జారీ చేశారు.