నెల్లూరు ఆర్టీసీ బస్సు లారీని ఢీకొట్టింది, 20 మందికి పైగా గాయపడ్డారు

నెల్లూరు జిల్లా ఉదయగిరి డిపోకు చెందిన ఆర్టీసీ బస్సు కర్ణాటకలోని చింతామణి వద్ద ఘోర ప్రమాదానికి గురైంది. పామూరు నుంచి బెంగళూరు వెళ్తుండగా, తెల్లవారుజామున 3:30 గంటల సమయంలో రోడ్డు పక్కన ఆగి ఉన్న లారీని బస్సు బలంగా ఢీకొట్టింది. ఈ ఘటనలో 20 మందికి పైగా ప్రయాణికులు గాయపడగా, పది మంది పరిస్థితి విషమంగా ఉంది. ప్రమాదంలో బస్సు ముందు భాగం పూర్తిగా ధ్వంసమైంది. పోలీసులు ఘటనా స్థలానికి చేరుకుని క్షతగాత్రులను ఆస్పత్రికి తరలించారు. అతివేగమే ఈ ప్రమాదానికి కారణమని తెలుస్తోంది.