సీతారామపురంలో బాబు జగ్జీవన్ రామ్ ఘన నివాళి

శ్రీపొట్టిశ్రీరాములు నెల్లూరు జిల్లా, ఉదయగిరిలోని సీతారామపురం ఎంపీడీవో కార్యాలయంలో సోమవారం బాబు జగ్జీవన్ రామ్ వర్ధంతి వేడుకలు ఘనంగా జరిగాయి. ఎంపీడీవో చిన్న చెన్నారావు, మండల కన్వీనర్ చింతల శ్రీను ఆయన చిత్రపటానికి పూలమాలలు వేసి నివాళులర్పించారు. దేశ స్వాతంత్ర్య సంగ్రామంలో పాల్గొని, అణగారిన వర్గాల అభ్యున్నతికి ఆయన చేసిన కృషిని వక్తలు కొనియాడారు. బాబు జగ్జీవన్ రామ్ ఆశయాలను అనుసరించి, సమాజంలో సమసమాజ స్థాపనకు కృషి చేయాలని నాయకులు పిలుపునిచ్చారు. ఆయన సేవలు చిరస్మరణీయమని పేర్కొన్నారు.