విద్యుత్ షాక్ తో వృద్ధురాలు మృతి

బుక్కపట్నం మండలంలోని యాదాలంకపల్లి గ్రామంలో బుధవారం, గొల్ల అక్కమ్మ అనే వృద్ధురాలు విద్యుత్ షాక్‌తో మృతి చెందారు. ఆమె తన ఇంటి వద్ద రేకుల షెడ్డు కింద పనిచేస్తుండగా, షెడ్డుకు విద్యుత్ ప్రసరణ జరిగి ఈ దుర్ఘటన జరిగింది. సమాచారం అందుకున్న విద్యుత్ సిబ్బంది సంఘటనా స్థలానికి చేరుకుని పరిశీలించగా, అప్పటికే ఆమె మరణించినట్లు నిర్ధారించారు. గ్రామస్థులు ఈ విషయాన్ని ధృవీకరించారు.