జలుమూరు: ఖరీఫ్ వరి సాగుకు సిద్ధమవుతున్న రైతులు

ఏరువాక పున్నమి ప్రారంభంతో రైతులు ఖరీఫ్ సాగుకు సిద్ధమవుతున్నారు. జలుమూరు మండలంలో పలు గ్రామాల్లో రైతులు పంట భూముల్లో దుక్కులు చేస్తున్నారు. గత ఏడాది 22,132 ఎకరాల్లో వరి సాగు జరిగిందని ఏవో రవికుమార్ తెలిపారు. ఈ ఏడాది వివిధ రకాల వరి విత్తనాలు 826 క్వింటాళ్లు ఆర్ఎస్కేలకు వచ్చాయని, ఇప్పటికే వరి విత్తనాలు, యూరియా పంపిణీ చేశామని మంగళవారం ఆయన వివరించారు.