అమ్మగారిపై దాడి, దొంగల భయం - ప్రజలు అప్రమత్తంగా ఉండాలి

ఆముదాలవలస మున్సిపాలిటీ ఆరో వార్డులోని నందగిరిపేట గ్రామంలో ఈరోజు మధ్యాహ్నం 4.30 గంటలకు బూదమ్మ అనే వృద్ధురాలిపై కారులో వచ్చిన దుండగులు దాడి చేశారు. మంచినీళ్లు అడిగి, ఇచ్చిన తర్వాత ఆమెపై దాడి చేసి, మెడలో ఉన్న నగలు లాక్కొని కారులో పరారయ్యారు. గ్రామస్తులు వెంటనే పోలీసులకు ఫిర్యాదు చేయగా, రూరల్ ఎస్సై సంఘటనా స్థలానికి చేరుకొని కేసు నమోదు చేసుకుని దర్యాప్తు ప్రారంభించారు. ఇంతకుముందు వాకలవలసలో కూడా ఇలాంటి సంఘటనలు జరిగాయని, దొంగలు స్వేచ్ఛగా తిరుగుతున్నారని, ప్రజలంతా అప్రమత్తంగా ఉండాలని ఎస్సై సూచించారు.