పంట రుణాలు పునరుద్ధరించుకోవాలని రైతులకు సూచన

కొత్తూరు ప్రాథమిక వ్యవసాయ సహకార సంఘం (PACS) ఛైర్మెన్ మాతల గాంధి సోమవారం మాట్లాడుతూ, పంట రుణాలు తీసుకున్న రైతులు మార్చి 14వ తేదీ లోగా తమ రుణాలను పునరుద్ధరించుకోవాలని కోరారు. 7 శాతం వడ్డీ చెల్లించి, ఆధార్ కార్డు, బ్యాంక్ ఖాతా, భూమి 1B పత్రాలతో కార్యాలయంలో సంప్రదించాలని సూచించారు. సకాలంలో రుణాలు చెల్లించి, తిరిగి రుణం పొందే అవకాశాన్ని సద్వినియోగం చేసుకోవాలని ఆయన రైతులకు విజ్ఞప్తి చేశారు.