చెకుముకి ప్రతిభా పరీక్ష: రొంపివలస విద్యార్థులదే ప్రథమ స్థానం

పాతపట్నం మండల స్థాయిలో మంగళవారం జరిగిన చెకుముకి ప్రతిభా పరీక్షలో జిల్లా పరిషత్ ఉన్నత పాఠశాల రొంపివలస విద్యార్థులు ప్రథమ స్థానాన్ని, కొరసవాడ విద్యార్థులు ద్వితీయ స్థానాన్ని సాధించారు. ప్రైవేట్ పాఠశాలల విభాగంలో విక్టరీ స్కూల్ విద్యార్థులు జిల్లా స్థాయికి ఎంపికయ్యారు. ఈ నెల 23న శ్రీకాకుళంలో జిల్లా స్థాయి పోటీలు జరగనున్నాయి. ఈ పరీక్షలో 15 పాఠశాలల విద్యార్థులు పాల్గొన్నారు. మండల విద్యాశాఖ అధికారి సిహెచ్ తిరుమల్ రావు, ప్రధానోపాధ్యాయులు బి.సింహాచలం, టి. వైకుంఠ రావు, నల్ల తారక రామారావు, ఎస్ రామారావు, సైన్స్ ఉపాధ్యాయులు పాల్గొన్నారు.