బుడుమూరులో అగ్ని ప్రమాదం

శుక్రవారం ఉదయం బుడుమూరులో విద్యుత్ షార్ట్ సర్క్యూట్ కారణంగా ముంత పైడిరాజు ఇంట్లో మంటలు చెలరేగి, పక్కనే ఉన్న శ్రీరాములు, గోపి ఇళ్లు పూర్తిగా కాలిపోయాయి. వనం శ్రీనివాసరావు డాబా ఇల్లు పాక్షికంగా దెబ్బతింది. అగ్నిమాపక సిబ్బంది మంటలను అదుపు చేశారు. ఈ ప్రమాదంలో శ్రీరాములు కుమార్తె వివాహం కోసం దాచుకున్న రూ.5 లక్షల నగదుతో పాటు మొత్తం రూ.8 లక్షల వరకు ఆస్తి నష్టం జరిగినట్లు అధికారులు అంచనా వేశారు. మూడు కుటుంబాలు కట్టుబట్టలతో మిగిలాయి.