శ్రీకాకుళం ఎమ్మెల్యే గొండు శంకర్ చేతుల మీదుగా సీసీ రోడ్డు పనులు ప్రారంభం

శ్రీకాకుళం రూరల్ మండలం లింగాలవలస గ్రామం నుంచి రాగోలు ఎస్‌ఎస్ వలస బీటి రోడ్డు వరకు రూ.38 లక్షల నిధులతో చేపట్టిన సీసీ రోడ్డు నిర్మాణ పనులను శ్రీకాకుళం నియోజకవర్గ ఎమ్మెల్యే గొండు శంకర్ పూజలు చేసి ప్రారంభించారు. ఈ రోడ్డు నిర్మాణం వల్ల లింగాలవలస నుంచి శ్రీకాకుళం చేరుకునే దూరం సుమారు 4 కిలోమీటర్లు తగ్గుతుందని ఎమ్మెల్యే తెలిపారు. అలాగే ఆర్ఎంసి 27 ఇయర్ వద్ద పైపు కల్వర్టు, రాగోలు పంచాయతీ ప్రధాన రహదారిలో కాల్వ పనులను పరిశీలించి, నాణ్యతతో పూర్తి చేయాలని అధికారులకు ఆదేశాలు ఇచ్చారు. ఈ కార్యక్రమంలో గ్రామపంచాయతీ నాయకులు, ఇంజనీర్లు, సిబ్బంది, స్థానిక ప్రజలు పాల్గొన్నారు.