బ్రేకప్ చెప్పడమే ఉద్యోగం, జీతం రూ.2.8 లక్షలు!

ప్రస్తుత డిజిటల్ యుగంలో ఉద్యోగాల రూపురేఖలు మారుతున్నాయి. ప్రముఖ ఆన్‌లైన్ డేటింగ్ ప్లాట్‌ఫారమ్ డేటింగ్.కామ్ 'చీఫ్ బ్రేకప్ ఆఫీసర్' అనే వినూత్న ఉద్యోగ ప్రకటన విడుదల చేసింది. ఈ ఉద్యోగి పని, బంధాన్ని ముగించాలనుకునే క్లయింట్ల తరపున వారి భాగస్వాములకు సున్నితంగా, మర్యాదపూర్వకంగా బ్రేకప్ విషయాన్ని తెలియజేయడం. ఈ ఉద్యోగానికి నెలకు సుమారు రూ.2.8 లక్షల జీతం ఆఫర్ చేస్తున్నారు. అకడమిక్ డిగ్రీల కంటే జీవిత అనుభవానికి ప్రాధాన్యం ఇస్తూ, కనీసం మూడు బ్రేకప్స్ అయిన అనుభవం ఉండాలని సంస్థ షరతు పెట్టింది. నేటి కాలంలో రిలేషన్‌షిప్ సమస్యల వల్ల పెరుగుతున్న మానసిక ఒత్తిడిని తగ్గించి, గౌరవప్రదంగా సంబంధాలను ముగించేందుకు ఈ సేవలు అవసరమని డేటింగ్.కామ్ భావిస్తోంది.