మనీలాండరింగ్ కేసులో సుకేష్‌ చంద్రశేఖర్‌కు బెయిల్

ఏఐఏడీఎంకేకు సంబంధించిన రూ.200 కోట్ల మనీలాండరింగ్ కేసులో జైలులో ఉన్న సుకేష్‌ చంద్రశేఖర్‌కు ఢిల్లీ కోర్టు బెయిల్ మంజూరు చేసింది. ఎన్నికల సంఘం అధికారికి లంచం ఇచ్చేందుకు ప్రయత్నించినట్లు ఆరోపణలు ఎదుర్కొంటున్న ఈ కేసులో, సుకేష్‌ ఇప్పటికే చాలా కాలం నుంచి జైలులో ఉన్నాడని, ప్రతి ఒక్కరికీ తమ కేసు విచారణ త్వరగా పూర్తై న్యాయం జరిగే స్వేచ్ఛ ఉంటుందని ప్రత్యేక జడ్జి విశాల్ గోగ్నే అభిప్రాయపడ్డారు. అయితే, ఇతర కేసులలో ఇంకా బెయిల్ రానందున అతడు జైలులోనే ఉండాల్సి ఉంటుంది.