భారత నావికుల భద్రతకు కేంద్రం హై-అలర్ట్

పశ్చిమాసియాలో మారుతున్న పరిస్థితులు, సముద్ర భద్రతా సవాళ్ల నేపథ్యంలో భారత ప్రభుత్వం హై-అలర్ట్ ప్రకటించింది. భారతీయ నావికుల ప్రాణాలను, సముద్ర ప్రయోజనాలను పరిరక్షించడానికి కేంద్రం అప్రమత్తమైంది. ఓడరేవులు, నౌకాయానం, జలమార్గాల మంత్రిత్వ శాఖ (MoPSW) హోర్ముజ్ జలసంధి, ఒమన్ గల్ఫ్ పరిసరాల్లోని పరిణామాలపై నిరంతర పర్యవేక్షణ కొనసాగిస్తోంది. ఇటీవల MT సెట్టెబెల్లో నౌకపై జరిగిన క్షిపణి దాడిలో ముగ్గురు భారతీయ నావికులు మరణించగా, మిగిలిన సిబ్బందిని రక్షించారు.