పశువుల ఆరోగ్య పరిరక్షణలో మినరల్స్ ప్రాముఖ్యత ఇదే!

పశువులకు ఇచ్చే సాధారణ మేతలో ఖనిజాల లోపం వల్ల పాల ఉత్పత్తి తగ్గడం, ఎముకల బలహీనత, సంతాన సమస్యలు, తరచూ అనారోగ్యం వంటి సమస్యలు ఏర్పడుతున్నాయని పశు వైద్యులు హెచ్చరిస్తున్నారు. కాల్షియం, ఫాస్ఫరస్, జింక్, కాపర్, అయోడిన్ వంటి కీలక ఖనిజాలు శరీరంలో స్వయంగా ఉత్పత్తి కావు కాబట్టి మినరల్ మిక్చర్ తప్పనిసరి. దీనివల్ల పాల పరిమాణం, ఫ్యాట్, SNF పెరిగి, రోగనిరోధక శక్తి మెరుగవుతుంది. తక్కువ ఖర్చుతో ఎక్కువ లాభం ఇచ్చే పోషక పరిష్కారంగా మినరల్ మిక్చర్లు రైతులకు ఎంతో ఉపయోగకరం.