బహుజన ఉద్యోగుల సంఘాల పోస్టర్ల ఆవిష్కరణ

చిత్తూరు జిల్లా పలమనేరులోని గంగవరం అంబేద్కర్ భవన్‌లో బహుజన ఎంప్లాయిస్ ఫెడరేషన్ అనుబంధ సంఘాల బలోపేతానికి సంబంధించిన పోస్టర్లను బుధవారం ఆల్ ఇండియా అంబేద్కర్ యువజన సంఘం రాష్ట్ర అధ్యక్షులు, హైకోర్టు న్యాయవాది పుణ్యమూర్తి చింతమాకుల ఆవిష్కరించారు. ఈ సందర్భంగా నాయకులు మాట్లాడుతూ సమాజంలో జరుగుతున్న అసమానతలను రూపుమాపాలంటే బహుజనులైన ఎస్సీ, ఎస్టీ, బీసీ, మైనార్టీలు ఏకం కావాలని పిలుపునిచ్చారు. ఈ కార్యక్రమంలో జిల్లా అధ్యక్షులు డి. వి. మునిరత్నం, జిల్లా కార్యదర్శి వేళాయుధం, జిల్లా అధ్యక్షులు తరిగొండ, మణి తదితరులు పాల్గొన్నారు.