రేణిగుంటలో ఎంపీటీసీల ఆత్మీయ వీడ్కోలు

తిరుపతిలోని రేణిగుంట మండల పరిషత్ కార్యాలయంలో ఎంపీటీసీల పదవీకాలం ముగిసిన సందర్భంగా పంచాయతీరాజ్ శాఖ నిబంధనల ప్రకారం ఆత్మీయ వీడ్కోలు సమావేశం బుధవారం ఘనంగా జరిగింది. ఈ కార్యక్రమంలో ఎంపీటీసీలు, ప్రజాప్రతినిధులు పెద్ద సంఖ్యలో హాజరై, పరస్పరం పూలగుచ్ఛాలు, జ్ఞాపికలతో సత్కరించుకున్నారు. గత ఐదేళ్ల కాలంలో గ్రామీణ ప్రాంతాల అభివృద్ధికి, మౌలిక వసతుల కల్పనకు, ప్రజా సంక్షేమానికి చేసిన కృషిని, తమ అనుభవాలను సభ్యులు ప్రసంగాల ద్వారా నెమరువేసుకున్నారు.