పట్టాలు తప్పిన గూడ్స్ రైలు

నెల్లూరు జిల్లా మనుబోలు మండలం కొమ్మలపూడి రైల్వే స్టేషన్ సమీపంలో గూడ్స్ రైలు ప్రమాదానికి గురైంది. విజయవాడ నుంచి తిరుపతికి వస్తున్న రైలు పట్టాలు తప్పడంతో, ఒక మిల్క్ ట్యాంకర్ బోగీ బోల్తా పడింది. ఈ ఘటనతో విజయవాడ–చెన్నై ప్రధాన మార్గంలో రైళ్ల రాకపోకలకు అంతరాయం ఏర్పడి, పలు రైళ్లు ఆలస్యంగా నడుస్తున్నాయి. రైల్వే అధికారులు సంఘటనా స్థలానికి చేరుకుని ట్రాక్ పునరుద్ధరణ పనులు ప్రారంభించారు. ప్రమాదానికి గల కారణాలపై విచారణ కొనసాగుతోంది.