తిరుపతిలో బ్రిడ్జిపై ప్రాణాలు పోతున్నాయి..!

తిరుపతిలోని గరుడ వారధిపై జరుగుతున్న వరుస ప్రమాదాలు ప్రజలను భయభ్రాంతులకు గురిచేస్తున్నాయి. ర్యాష్ డ్రైవింగ్ కారణంగా ప్రాణాలు గాల్లో కలిసిపోతున్నాయి. మంగళవారం, జీవకోన రాజీవ్ గాంధీ కాలనీకి చెందిన చంద్రకళ తన భర్త నాగరాజుతో కలిసి అప్పలాయగుంటకు వెళ్తుండగా, గుర్తు తెలియని కారు ఢీకొనడంతో ఆమె మృతి చెందింది. అంతకుముందు సోమవారం, భగత్ సింగ్ నగర్‌కు చెందిన శ్యామల బైకుపై వెళ్తుండగా టిప్పర్ ఢీకొట్టడంతో మరణించింది. ఈ సంఘటనలు వారధిపై భద్రతా చర్యల గురించి ఆందోళనలను రేకెత్తిస్తున్నాయి.