తిరుమలలో ప్రత్యేక నాకాబందీ.. అదుపులోకి 8మంది అనుమానితులు

తిరుమలలో భక్తుల భద్రత, క్షేత్ర పవిత్రతను పరిరక్షించేందుకు పోలీసులు ప్రత్యేక నాకాబందీ నిర్వహించారు. అలిపిరి నడక మార్గంలో 62 దుకాణాలను తనిఖీ చేసి, గుర్తింపు పత్రాలు లేని 8మంది అనుమానితులను అదుపులోకి తీసుకుని విచారిస్తున్నారు. లైసెన్సులు లేని 8 షాపులను గుర్తించారు. 34మంది వ్యక్తుల వేలిముద్రలను పరిశీలించారు. గడువు ముగిసిన శీతల పానీయాలు విక్రయిస్తున్న మూడు దుకాణాలపై ఆరోగ్య శాఖ అధికారులు చర్యలు తీసుకున్నారు. భక్తుల భద్రతకు విఘాతం కలిగించే అంశాలపై కఠిన చర్యలు కొనసాగుతాయని అధికారులు తెలిపారు.