ఒకే ఇంట్లో రెండు రాష్ట్రాలు.. ఆ వింత ఇల్లు ఎక్కడంటే?

మహారాష్ట్రలోని చంద్రాపూర్ జిల్లా జీవతి తాలూకాలోని మహారాజ్ కూట గ్రామంలో ఒక వింత ఇల్లు ప్రస్తుతం సోషల్ మీడియాలో వైరల్ అవుతోంది. ఈ 10 గదుల ఇల్లు మహారాష్ట్ర, తెలంగాణ రాష్ట్రాల సరిహద్దులను సరిగ్గా సగానికి పంచుకునేలా నిర్మించబడింది. దీనివల్ల ఒకే ఇంట్లో నివసిస్తున్న కుటుంబం రెండు వేర్వేరు రాష్ట్రాల్లోని భాగాల్లో ఉంటున్నారు. ఉదయం నిద్రలేచి టీ తాగడానికి లేదా వంటగదికి వెళ్లడానికి కూడా రాష్ట్ర సరిహద్దును దాటాల్సి వస్తుంది. బెడ్‌రూమ్ ఒక రాష్ట్రంలో ఉంటే, కిచెన్ మరో రాష్ట్రంలో ఉండటం వల్ల ప్రతిసారీ రాష్ట్రం మారాల్సి వస్తుంది. ఈ అరుదైన భౌగోళిక ప్రదేశం స్థానికులను, ప్రయాణికులను ఆకట్టుకుంటోంది.